На ден 17.05.2013 година одржана е средба на СОБ со Командантот на Здружено Оперативната Команда во Куманово.
На средбата присуствуваа Командантот на ЗОК бригаден генерал Методија Величковски, Шефот на кабинет потполковник Зоран Илиев, Началникот на Ј-1 полковникот Митко Наков, Началникот на Ј-4 потполковник Живко Деспотовски, правниците – потполковник Драган Божиновски и цивилно лице Руди Цветковски.
Од страна на Синдикат на Одбраната и Безбедноста присуствуваа: Претседателот на СОБ Ристо Ајтов, Генералниот секретар на СОБ Ацо Спасовски, преставници од ТРЦ цивилно лице Оливер Стојановски – член на Надзорен одбор, цивилно лице Гафур Беќири – Претседател на РОО-ТРЦ и водник Марјан Цветковски – заменик претседател на РОО-ТРЦ.
На средбата се водеше дискусија по следните прашања:
1. Почитување на одредбите од законите кои ја регулираат службата, работните односи и синдикалното делување во АРМ (Законот за Работни Односи, Законот за служба во АРМ, Законот за Безбедност и Здравје и Колективен Договор).
а. Унапредување на работните услови и заштита на вработените при извршување на секојдневни задачи:
- ХТЗ опрема
- користење на небаждарена и неиспитана опрема.
б. Синдикално делување:
- воспоставување на партнерски односи со содветните команди на единиците во рамките на ЗОК,
- реализација на заеднички активности.
в. Задолжително редовно информирање на вработените:
- измена на закони,
- донесени подзаконски акти – правилници, упатства и уредби.
2. Третманот на цивилниот персонал и решавање на проблемите на вработените предизвикани од недоследностите кои се појавуваат во новата формација на АРМ.
3. Активности за надминување на проблемите со надоместокот за закупнина – измена на Законот за служба во АРМ.
Средбата траеше околу 2 часа и согласно дискусиите по горенаведените прашања се заземаа ставови во насока на подобрување на односите помеѓу социјалните партнери на ниво на соодветните команди во рамките на ЗОК од една страна и РОО на СОБ од друга страна како и воспоставување на подобри работни услови и редовно информирање на вработените – членови на СОБ.
