ОБЈАВА ЗА МЕДИУМИ

 РЕПУБЛИКА МАКЕДОНИЈА

СИНДИКАТ НА
ОДБРАНАТА И БЕЗБЕДНОСТА

 

ОБЈАВА ЗА МЕДИУМИ

Тема: Подобрување на правата од работен однос на вработените во Министерството за Одбрана и Армијата на Република Македонија – заслужуваат ли припадниците на АРМ и МО бонус награда за нивниот зголемен ангажман во борбата против вирусот КОВИД – 19?

Почитувани,

Синдикатот на Одбраната и безбедноста – СОБ, континуирано ја следи состојбата во Република Македонија, предизвикана од вирусот Ковид 19.
Со оглед на пандемиската состојба која што ја погоди Македонија, поради која беше прогласена и вонредна состојба, проследена со полициски час и строги мерки се со цел да се спречи ширењето на вирусот, вработените во Министерството за одбрана, а посебно вработените во АРМ беа и сеуште се вонредно ангажирани за надминување на состојбата.

Во текот на вонредната состојба предизвикана од пандемијата на корона вирусот кој претставува и глобална закана, припадниците на Армијата на Република Македонија активно придонесуваат кон заштитата на граѓаните, како и кон намалување на последиците од оваа глобална криза.

Ангажирањето на припадниците на МО и АРМ, посебно беше изразено при заштита на жариштата во општините низ државата, патролирање и одржување ред во населените места, обезбедување на објектите од витално значење за државата како Претседателот, Владата и Собранието, контрола на почитување на заштитните мерки кои што со уредба ги донесуваше Владата, заштита на казнено – поправните установи, контрола и надзор на државната граница со цел да се спречат нелегални влезови и излези, заштита на хотелите во кои што престојуваат лицата сместени во државен карантин, поддршка на локалната самоуправа и другите државни институции во севкупните напори за спречување на пандемијата и отстранување на последиците од неа.

Ангажманот на припадниците на Армијата, помошта и поддршката кои тие ја даваат уште еднаш покажува зошто Армијата е институција која има најголема доверба кај граѓаните. Брзото, навремено и ефикасно ангажирање секаде каде што нашите војници се потребни, е доказ дека нашата НАТО Армија има исклучителни капацитети и способности кои безрезервно ги става на располагање на нашите граѓани.

Воедно, искажуваме огромен респект и почит на сите нашите колеги, вработени во Министерството за Одбрана и Армијата на Република Македонија, кои, како и секогаш се наоѓаме во првите борбени редови на браникот на нашата татковината, и заедно со вработените во Здравството и Полицијата сме најистурени во активностите за сузбивање на вирусот и обезбедување на функционирање на Државата во овие вонредни услови.

Поради неуморното и пожртвувано ангажирање на припадниците на МО и АРМ, како Синдикат на Одбраната и Безбедноста, бараме Владата да донесе Уредба со која сите припадници на МО и АРМ ќе бидат соодветно наградени.

Бараме, наградата за ангажирањето да се однесува за месеците Март, Април и Мај 2020 година, а висината на истата да биде 10.000,00 денари за секој месец.

Припадниците на МО и АРМ со својот труд и ангажман ја заслужуваат оваа награда, која што ќе значи оддавање на признание за нивниот зголемен ангажман како вреднување на нивниот придонес во остварувањето на целите на МО и АРМ.

Воедно, би сакале повторно да го искажеме својот револт, како и револтот на вработените во МО и АРМ и да укажеме на лошите услови за работа, како и непочитувањето и намалувањето на правата од работен однос на вработените во МО и АРМ.

Изминаа три години од како на чело на МО се наоѓа министерката г-ѓа Шекеринска со нејзиниот тим на дојденци во МО, три години во кои постојано слушавме фалби дека ЌЕ се подобри состојбата во МО и АРМ, но за жал состојбата не само што не е подобрена, него е рапидно влошена положбата на припадниците на АРМ и МО:

  • Во 21 век постојат цели касарни каде што нема вода за пиење а во зимниот период нема греење,
  • Санитарните јазли во голем дел од објектите се во очајна состојба,
  • Голем дел од техниката и превозните средства кои се потребни за секојдневното извршување на задачите се неупотребливи и расипани,
  • Евидентен е недостатокот на униформи, чизми и ХТЗ опрема,
  • Личната опрема е во фаза на распаѓање,
  • Неквалитетна исхрана и недостаток на намирници.

Во услови кога Република Македонија е на работ на издржливост, поради борбата со пандемијата предизвикана од вирусот КОВИД – 19, ваквите очајни услови, посебно на санитарните јазли, се добра подлога за појава на нова епидемија,  која може да ја преполови бројната состојба на АРМ, а со тоа и да ја загрози безбедноста на Република Македонија.

Впрочем, моменталната реалната состојба укажува дека во МО и АРМ се соочуваме со голем бројот на заболени од вирусот КОВИД – 19, при што најголем дел од единиците на АРМ се десеткувани, односно голем е бројот на заболени наши колеги а уште поголем е бројот на оние колеги кои се во самоизолација, согласно препораките за заштита на јавното здравје.                       

За ваквата состојба е најмногу заслужно самото Министерство за одбрана на РМ, односно неспособноста на менаџментот на МО да обезбеди подобри услови за работа и повисоки плати за вработените во МО и АРМ, што само по себе укажува дека нивните пораки за достигнување на НАТО стандардите не се ништо друго него една голема лага“.

Mинистерството за одбрана подолг период, спротивно на Законот за работни односи и Колективниот договор на Министерството за одбрана, не исплаќа додатоци односно надоместоци на плата:

  • Не исплаќа надоместок на плата за работа во празник, во ден на неделен одмор, за работа во смени, за ноќна работа и прекувремена работа,
  • Наместо исплата на дневници согласно закон и Колективен договор, на припадниците на АРМ им даваат слободни денови,
  • Не исплаќа надомест на бонус плата доколку остварил повеќе од 150 часа прекувремено во текот на годината.

За сметка на неисплаќањето на надоместоците на вработените во МО и АРМ, на тимот на министерката редовно им се исплаќаат прекувремените саати како и разно разни награди за “добро завршена работа“.

Ова е само еден дел од се она што како бела чума надвиснало над вработените во МО и АРМ, и како такво резултира со секојдневно напуштање на редовите на Армијата.

Само од почетокот на 2020 год., МО и АРМ ги напуштиле неколку стотини припадници, во најголем дел високо професионален и искусен кадар на Армијата, припадници на специјалните единици, што е најдобар показател за очајната состојба во АРМ и МО.

 

Секогаш подготвени за граѓаните и за татковината.

Share

 РЕПУБЛИКА МАКЕДОНИЈА

СИНДИКАТ НА
ОДБРАНАТА И БЕЗБЕДНОСТА

 
ПАРИЧНА НАГРАДА ЗА ПРИПАДНИЦИТЕ НА МО И АРМ, КАКО
ВРЕДНУВАЊЕ    НА    НАШИОТ     ПРИДОНЕС    И     АНГАЖМАН
ЗА НАДМИНУВАЊЕ НА СОСТОЈБАТА СО КОВИД 19
СЕКОГАШ ПОДГОТВЕНИ ЗА ГРАЃАНИТЕ И ЗА ТАТКОВИНАТА

 

До Претседател на Република С. Македонија
       Г-дин Стево Пендаровски
       Претседател на Влада
       на Република С. Македонија
       Г-дин Оливер Спасовски
       Министер за Одбрана
       Г-ѓа Радмила Шекеринска-Јанковска

Награда за припадниците
на МО и АРМ – барање;

Со оглед на пандемиската состојба која што ја погоди Македонија, поради која беше прогласена и вонредна состојба, проследена со полициски час и строги мерки се со цел да се спречи ширењето на вирусот, вработените во Министерството за одбрана, а посебно вработените во АРМ беа и сеуште се вонредно ангажирани за надминување на состојбата.

Во текот на вонредната состојба предизвикана од пандемијата на корона вирусот кој претставува и глобална закана, припадниците на Армијата на Република С. Македонија активно придонесуваат кон заштитата на граѓаните, како и кон намалување на последиците од оваа глобална криза.

Ангажирањето на припадниците на МО и АРМ, посебно беше изразено при заштита на жариштата во општините низ државата, патролирање и одржување ред во населените места, обезбедување на објектите од витално значење за државата како Претседателот, Владата и Собранието, контрола на почитување на заштитните мерки кои што со уредба ги донесуваше Владата, заштита на казнено – поправните установи, контрола и надзор на државната граница со цел да се спречат нелегални влезови и излези, заштита на хотелите во кои што престојуваат лицата сместени во државен карантин, поддршка на локалната самоуправа и другите државни институции во севкупните напори за спречување на пандемијата и отстранување на последиците од неа.

Ангажманот на припадниците на Армијата, помошта и поддршката кои тие ја даваат уште еднаш покажува зошто Армијата е институција која има најголема доверба кај граѓаните. Брзото, навремено и ефикасно ангажирање секаде каде што нашите војници се потребни, е доказ дека нашата НАТО Армија има исклучителни капацитети и способности кои безрезервно ги става на располагање на нашите граѓани.

Воедно, искажуваме огромен респект и почит на сите нашите колеги, вработени во Министерството за Одбрана и Армијата на Република Македонија, кои, како и секогаш се наоѓаме во првите борбени редови на браникот на нашата татковината, и заедно со вработените во Здравството и Полицијата сме нај истурени во активностите за сузбивање на вирусот и обезбедување на функционирање на Државата во овие вонредни услови.

Поради неуморното и пожртвувано ангажирање на припадниците на МО и АРМ, како Синдикат на Одбраната и Безбедноста, бараме Владата да донесе Уредба со која сите припадници на МО и АРМ ќе бидат соодветно наградени.

Бараме, наградата за ангажирањето да се однесува за месеците Март, Април и Мај 2020 година, а висината на истата да биде 10.000,00 денари за секој месец.
Припадниците на МО и АРМ со својот труд и ангажман ја заслужуваат оваа награда, која што ќе значи оддавање на признание за нивниот зголемен ангажман како вреднување на нивниот придонес во остварувањето на целите на МО и АРМ.

Секогаш подготвени за граѓаните и за татковината.

Со почит,
Синдикат на Одбраната и Безбедноста

Share

  РЕПУБЛИКА МАКЕДОНИЈА

СИНДИКАТ НА

ОДБРАНАТА И БЕЗБЕДНОСТА

 

НЕ СЕ СОГЛАСУВАМЕ ДА СЕ НАМАЛАТ ПЛАТИТЕ НА ВРАБОТЕНИТЕ ВО МИНИСТЕРСТВОТО ЗА ОБРАНА , ЦУК и ДЗС

 

Синдикатот на Одбраната и безбедноста – СОБ, континуирано ја следи состојбата во Република Македонија, предизвикана од вирусот Ковид 19.

Најпрвин би сакале да им изразиме најдлабоко сочувство на семејствата на починатите.

Воедно, искажуваме огромен респект и почит на сите нашите колеги, вработени во Министерството за Одбрана и Армијата на Република Македонија, кои, како и секогаш се наоѓаме во првите борбени редови на браникот на нашата татковината, и заедно со вработените во Здравството и Полицијата сме најистурени во активностите за сузбивање на вирусот и обезбедување на функционирање на Државата во овие вонредни услови.

СОБ, како грански синдикат здружен во Сојузот на Синдикатите на Македонија, неколку пати до Владата на РМ и надлежните министерства, достави предлог на итни мерки кои сметаме дека е потребно да бидат донесени од страна на Владата веднаш и без одлагање.

Со оглед дека разни политички субјекти, комори, како и организации на работодавачите, во овие кризни времиња предлагаат до владата на РМ да донесе мерки за намалување на платите на работниците, Синдикатот на Одбраната и Безбедноста и предлага и укажува на Владата на Република Македонија, на Министерството за одбрана како и на директорите на ЦУК и ДЗС дека:

  • НЕ СЕ согласуваме да се намалат платите на вработените во Министерството за Одбрана, ЦУК и ДЗС,
  • Веднаш да се обезбедат и поделат заштитни средства (маски, ракавици, средства за дезинфекција на рацете и просториите и слично) на сите вработени во овие институции.

Мерките за надминување на здравствената криза, не смеат да се прекршуваат преку грбот на работникот, преку незаконско кратење на неговата плата, во овие моменти кога има покачување на цените на сите производи.

Со почит,

Синдикат на Одбраната и Безбедноста

Претседател

Ристо Ајтов

Share

Предлог Закон за одбрана во АРМ

  РЕПУБЛИКА МАКЕДОНИЈА

СИНДИКАТ НА

ОДБРАНАТА И БЕЗБЕДНОСТА

Декларирањето на Министерката за одбрана за грижа за вработените, треба да се однесува на сите вработени во МО. Сакаме да бидеме дел од НАТО алијансата, а не ги земаме за пример законските решенија од Законите за одбрана на другите членки.

Во законите за одбрана на Р. Хрватска и Р. Словенија правата и обврските на вработените се наведени во посебна глава.

За жал, во Законот за Одбрана на Република Македонија воопшто не постои категоризација на вработените во Министерството за Одбрана.

Поради тоа, Синдикатот на Одбраната и Безбедноста се залага за измена во Законот за одбрана, со инкорпорирање на нова глава во која се разработени правата и должностите на вработените во Министерството за одбраната.

“Предлог Закон за одбрана во АРМ “

Со почит,
Синдикат на Одбраната и Безбедноста

 

Share

ИЗВЕСТУВАЊЕ

  РЕПУБЛИКА МАКЕДОНИЈА

СИНДИКАТ НА

ОДБРАНАТА И БЕЗБЕДНОСТА

Почитувани членови на Синдикатот на Одбраната и Безбедноста (СОБ), Ве известуваме дека согласно законските прописи во Република Македонија, Синдикатот на Одбраната и Безбедноста до Министерството за одбрана достави предлог текст на измени и дополни на Законот за служба во АРМ, во Април 2019 година, и истиот може да го видите на следниот линк:

“Предлог закон за служба во АРМ на СОБ”

Поголемиот дел од предлозите се земени во конечната верзија на Законот за служба, но за жал Министерството за Одбрана остана глуво за клучните поенти од нашиот предлог што се однесува на пензионирањето на воените и цивилните лица во АРМ. Предлогот на СОБ опфаќаше пензионирање со 40 години пензиски стаж или 55 години возраст, за разлика од предлогот на МО каде стои 40 години пензиски стаж и 55 години возраст. Разликата помеѓу “или’’ и ‘’и’’ e суштинска, но сепак тврдоглавоста на министерката покажува дека кај неа не постои ни најмалку грижа за припадниците на АРМ. Фактот дека согласно актуелното законско решение, припадниците на АРМ заминуваат во пензија околу 55-57 години возраст (со оглед дека 90 % од АРМ има бенифициран стаж), ја покажува сета хипокризија на Министерството за одбрана.

Истиот безсрамен пристап МО го покажува со проблемот кој ги засега професионалните војници, кои се најранливата категорија во Армијата, за кои секоја година пред истекот на договорот со 45 годишна возраст не се знае каде ќе бидат распоредени и која институција ќе ги преземе. Оваа година генерацијата 1974 наводно се распоредени во затворска полиција, а каде ќе бидат распоредени ПФВ од генерациите 75, 76 итн??? Тоа според законот би требало да го знаеме до 31.12.2019 година до кога министерката за одбрана има обврска да достави список каде ќе бидат распоредени ПФВ на кои им истекува договорот во 2020 година, со навршени години на старост според законот. Наместо тоа, СОБ предложи пензионирање за ПФВ под исти услови како и за офицерите, подофицерите и цивилните лица вработени во МО и АРМ т.е со 40 години пензиски стаж или 55 години возраст. За овие 2,5 години министерување со МО и исто толку (не)грижа за вработените во МО и АРМ, успеаја нашата професија од нај племенита и нај ценета во Република Македонија, да ја сведат на ниво на преживување, за што сведочи последниот конкурс за прием на 125 пфв, на кој се пријавија само 175 заинтересирани. Наградно прашање е колку ќе има пријавени за наредниот конкурс ??? Колку ли ќе се пријават, кога ќе слушнат за намалувањето на правата од работен однос, со тоа што во новиот предлог Закон за служба во АРМ, на ПФВ наместо две години, истите нема да имаат право на закупнина за стан во првите четири години???

Министерката толку многу се гордее со нејзините реформи, што досега поради истите се случува огромен одлив на персонал, на офицери, подофицери, професионални војници и цивилни лица, кои масовно заминуваат од МО и АРМ. Сигурно нејзината хипокризија достигнува врв, кога знае дека само во првите девет месеци од 2019 година, има заминато преку 350 припадници на МО и АРМ, што е околу 5 % од вкупната бројка на вработени. Најавата на министерката дека ќе добиеме закупнина сите, освен оние кои имаат добиено станови од ЈНА, во висина од околу 7.000,00 денари, ние како Синдикат мора да го пофалиме овој чекор, за кој во изминативе две децении му укажуваме на министерството, но ете созреале условите и таа неправда кон вработените се надеваме ќе се исправи од 01.03.2020 година. Се надеваме дека не е политички маркетинг, иако не е јасно зошто од Март, а не од Јануари со оглед дека буџетот за 2020 г. почнува во Јануари (Избори се ближат или???).

Сега повеќе не мора да се грижиме дека немаме униформа, чизми, руинирани објекти, превоз, неисправни возила, храна, дневници во висина од 610,00 денари, основните плати на 70 % од вработените се помали од просечната плата во Република Македонија и уште еден куп нерешени проблеми.

Господ нека ни е на помош и нека ги чува нашите колеги кои извршуваат специфични задачи ……., а возилата со кои се транспортираат сите знаеме во каква состојба се …….

На крајот од ова наше обраќање, би сакале да ја прашаме министерката, на која прес конференција планира да ја објави најновата ‘’експертска’’ систематизација на работните места на јавните службеници во Министерството за Одбрана, односно дали вишокот на јавните службеници ке го решава со ‘’стратешко планирање’’ на технолошки вишок или ….???

Воедно би сакале да ја потсетиме на нашето предлог решение кое и го доставивме во Април 2019 година, а во кое предложивме да доколку дојде до намалување на работните места, евентуалниот вишок на јавни службеници во МО, да се префрли во рамките на цивилните места во АРМ, при што истите да бидат пензионирани согласно условите од горенаведените предлози, односно пензионирање со 40 години пензиски стаж или 55 години возраст.

“Предлог закон за служба во АРМ на СОБ”

“Предлог на закон за изменување и дополнување на законот за служба во АРМ на МО “

Синдикат на Одбраната и Безбедноста

Share

СИНДИКАЛНИ СПОРТСКИ НАТПРЕВАРИ 2019 година

  РЕПУБЛИКА МАКЕДОНИЈА

СИНДИКАТ НА

ОДБРАНАТА И БЕЗБЕДНОСТА

Синдикатот на Одбраната и Безбедноста (СОБ) во периодот од 27.09.2019 г. до 30.09.2019 г. во хотел „Мизо“ во Охрид, ги организираше и одржа ХVII-тите по ред Синдикални спортски натпревари.

На игрите зедоа учество околу 180 лица, членови на Синдикатот на Одбраната и Безбедноста, рамномерно застапени од сите Регионални основни организации врз основа на бројот на членовите.

За успешно организирање и спроведување на годинешните Синдикални спортски натпревари се погрижи организациониот одбор и комисијата за спорт при Синдикатот на Одбраната и Безбедноста.

Свеченото отварање се одржа на ден 27.09.2019 година во 17:00 часот и истото започна со свечено дефиле и постројување на натпреварувачите. По интонирањето на химната на Република Македонија, на присутните им се обрати претседателот на СОБ, г-дин Ристо Ајтов кој ги поздрави натпреварувачите и им посака да имаат успех во натпреварувањата и посочи дека е позитивно што Синдикалните спортски натпревари ја задржаа својата традиционалност и како такви треба и понатаму да се негуваат. „Нека победат најдобрите“ – им порача на учесниците претседателот на СОБ и ги прогласи игрите за отворени.

Учесниците на Синдикалните спортски натпревари се натпреваруваа во следните дисциплини: мал фудбал, кошарка, одбојка, пинг-понг, шах, влечење на јаже, пикадо и стрелаштво, и тоа во машка и женска конкуренција.

Победници по дисциплини се :

 

I-во место во Мал фудбал (м), РОО – Тетово,

I-во место во Баскет (м), РОО – Тетово,

I-во место во Баскет (ж), РОО – МО ГШ,

I-во место во Одбојка (м), РОО – Петровец,

I-во место во Одбојка (ж), РОО – ТРЦ,

I-во место во Пинг-понг (м), РОО – Илинден,

I-во место во Пинг-понг (ж), РОО – ЦУК,

I-во место во Шах (м), РОО – Куманово,

I-во место во Шах (ж), РОО – Велес,

I-во место во Пикадо (м), РОО – Штип,

I-во место во Пикадо (ж), РОО – Куманово,

I-во место во Влечење на јаже (м), РОО – Куманово,

I-во место во Влечење на јаже (ж), РОО – Куманово,

I-во место во Стрелаштво (м), РОО – ЦУК,

I-во место во Стрелаштво (ж), РОО – Куманово.

– Најдобри резултати во дисциплината пикадо, во машка конкуренција, постигна Мухамед Ибраими од РОО – Велес, а во женска конкуренција, Емилија Манчиќ од РОО – Куманово.

– Најдобри резултати во дисциплината стрелаштво, во машка конкуренција, постигна Владимир Зафировски од РОО – ЦУК, а во женска конкуренција, Сузана Тасевска од РОО – ЦУК.

На ревијалниот натпревар во стрелаштво со воздушна пушка, победник беше екипата на Воениот синдикат на Р.Србија, а второто место го освои екипата на Синдикатот на Министерство за Одбрана на Р.Словенија.

Како и минатата година и оваа година игрите имаа значење од меѓународен карактер, бидејќи на игрите со свои екипи учество зедоа и  преставници на Воениот синдикат од Р.Србија и Синдикатот на Министерство за Одбрана на Р.Словенија, со кои беа одржани неколку работни средби, на кои беа разменети искуства од синдикалното работење и начинот на решавање на проблемите.

Со почит,
Синдикат на Одбраната и Безбедноста

 

Share

ИЗВЕСТУВАЊЕ – ПРЕДЛОГ ЗАКОН ЗА СЛУЖБА ВО АРМИЈАТА НА РЕПУБЛИКА МАКЕДОНИЈА

  РЕПУБЛИКА МАКЕДОНИЈА

СИНДИКАТ НА

ОДБРАНАТА И БЕЗБЕДНОСТА

 

Почитувани членови на Синдикатот на Одбраната и Безбедноста (СОБ).

        Согласно позитивните законски прописи во Република Македонија, СОБ пристапи кон изготвување на предлог закон за измена и дополна на Законот за служба во АРМ, со кој би се подобриле правата од работен однос на нашите членови.

        Во прилог на ова обраќање до Вас, почитувани членови на СОБ, го објавуваме текстот на предлог законот за служба во АРМ, како и известувањето до МО со кое што бараме веднаш да се пристапи кон преговори за ново законско решение на Законот за служба во АРМ.

        Воедно Ве молиме, со Ваши предлози активно да земете учество како би ја изготвиле најдобрата законска форма на предлог законот за измена и дополна на Законот за служба во АРМ.

 

 

До Министер за Одбрана
Г-ѓа Радмила Шекеринска-Јанковска

ИЗВЕСТУВАЊЕ

        Почитувана г-ѓа министер,

        Синдикатот на Одбраната и Безбедноста (СОБ), во рамките на претстојните измени и дополни на Законот за служба во АРМ, преку своите Регионални Основни Организации, односно преку членовите на нашиот синдикат, активно учествуваше во дискусиите и предлозите за измена и дополна на Законот за служба во АРМ, кои се водеа во сите основни единици на АРМ, низ касарните на територијата на Република Македонија.

        Ставовите, предлозите, размислувањата и барањата на членовите на СОБ во врска со измените и дополните на Законот за служба во АРМ, а во насока на подобрување на правата од работен однос, што во краен случај би резултирало со подобрување на економско социјалната положба како и подобри услови за работа на вработените во МО и АРМ, беа вградени во предлозите кои што од страна на единиците на АРМ биле доставени до ГШ на АРМ и Вас.

        Истовремено би сакале да Ви укажеме, дека по однос на претстојната трансформација на работните места на јавните службеници во Министерството за одбрана, доколку дојде до намалување на работните места, ставот на Синдикатот на Одбраната и Безбедноста е дека евентуалниот вишок на вработени јавни службеници во МО, да се префрли во рамките на цивилните места во АРМ, при што истите да бидат пензионирани согласно условите од горенаведените предлог измени и дополни на Законот за служба во АРМ.

        Во прилог на ова известување, а согласно одредбите од Колективниот договор на Министерството за одбрана, Ви го доставуваме нашиот предлог Закон за служба во АРМ и бараме веднаш да се пристапи кон отпочнување на социјален дијалог и формирање на работно тело, во рамките на кое ќе се усогласат предвидените решенија во гореспоменатиот закон и како финална верзија во соодветна постапка истиот ќе биде предложен на усвојување.

 

“Предлог закон за служба во АРМ”

Со почит,

Синдикат на Одбраната и Безбедноста
Претседател
Ристо Ајтов

Share